ثرثرة......ثرثرة

ثرثرة

[ندعوك للتسجيل في المنتدى أو التعريف بنفسك لمعاينة هذه الصورة] بدر بن عبدالمحسن

على شفاهي
رماد.. وحمام ميت . وأقلام
مكسره..
وأصوات للناس .. متى مروا .. في
أعلى الحنجره..
شريط يدور..
يدور على الحال .. والأخبار..
وكيف الصحة والأحباب..
مع ابتسامه مسمره..
على جدران مالها أبواب..

فرشة أسنان.. وأمواس حلاقة ..
وصبح أصغر من الطاقه..
وحنفيه تسكب الماء..ثرثرة..
أغسل المرايا..وأجفف المرايا..
وأنا عندي مواعيد..مبعثرة..
على وقت ..أقصر من الصبح ..
اللي ورا الطاقه..
تلبـــسني هدومي وتخنقني
الياقه..
وأظهر قبل بدري ..وبعـــــد
متأخر
لأجل أعترف .. وأنكر..
ويدور الشريط .. يدور..
حكي قليله نور.. وأكثره ظل ..
أشياء..
مرسومة بالمسطرة.. وبحساب..
ويبلعني الطريق.. مثل حــوت
غبي..
يأكل ولا يهضم..!!
آه..لو أدري وش يبي .. ياكل
ولا يضهم!!
يبلع الناس.. ويلفظهم على
أرصفة مكسرة..
وكراسي..وطاولات مبعثرة..
ويعطيهم مناديل..للعرق..
اراجيل..للنعاس..وللأرق..
وحديث جاد.. لكن بايت..
عن غصن زيتون في الشمال..
ومجزرة..
وأناظر الشارع يمر..والسيارة
تهزني..
حلم غريب.. يبتزني..
يقول أعكس كل الشوارع..
غيّر المواج والأفراح..

لو ..يمر غراب..
ويحجب الشمس..وينزل على
أطلال مقبره..
ودي أتشاءم..أو يتغير شي..
زلزال.. إعصار ..أو تحترق
غابه..
يحصل شي.. أي شي.. يكسر
هالرتابه
على القليل لو تندلق محبرة..
على الأوراق..
أو يدخل ما بين العــيــن
والأهداب..
عود طاير .. شوي تراب..
الساعه هالحين ست وثلث
الصبح .. متأخر .. وأنا لازم
اصحى بدري